I strofa
Na sera d'estate 'e tant'anne fa
tu piccerella, io chiù gruosso d'età
pigliaie 'a chitarra, cantaie na canzone
e 'o destino fernette pe ce ncatenà,
na sera d'estate ma 'e tant'anne fa

I Ritornello
Na storia d'ammore, d'ammore nnucente
accussì, dint'a niente, nascette pe tte;
na storia d'ammore mpastato e passione
pe chella canzone nascette pe mme.
Diceva 'a canzone: - 'O verde 'e chist'uocchie,
'o ddoce 'e sta vocca me fanno sunnà-,
e tu, vita mia, faciste 'e stu suonno
'a cchiù bella realtà.

II strofa
Ma ncielo sta scritta na verità
ca 'e ccose belle nun ponno durà...
Screvette 'o destino pe cchisti dduie core
'o mumento cchiù amaro... che fatalità,
st'ammore fernette na sera d'està !

II Ritornello
Na storia d'ammore, d'ammore nnucente,
accussi dint'a niente fernette pe tte;
na storia d'ammore mpastato 'e passione
mò sul' 'a canzone è rimasta pe mme.
Diceva 'a canzone;-'0 vverde 'e chist'uocchie,
'o ddoce 'e sta vocca me fanno sunnà -,
e mò sulo 'o suonno, funtana 'e sta vita,
m'aiuta a campà.

DARIO CAFAZZO