Che belle capille ca tiene,
pareno fatte re seta fina,
te oglio sta’ vicino
ca re bboglio accarezzà.

Quiss’uocchie ca tiene ‘mbronte
tale e quale a ddoie lampadine
s’appicciano sera e matina
e pure stu core fanno appiccià.

Che bellu nasello ca tiene
Fatto giusto pe ‘ssa faccella,
fammilla na zenniatella
ca io ‘ssu nasello te oglio vasa’.

Che menne tonne ca tiene,
fatte a forma re casecavadde,
quante camine a l’abbadde
‘ssi casecavadde faie abballa’.

Che belle fianche ca tiene,
quanno te muove so’ accunze accunze,
uo’ veré ca sulo stu strunzo
‘ssi fianche belle nu r’adda tuccà.

Che bellu culo ca tiene,
fatto a forma re mandolino:
facimo nu concertino,
‘ssu mandolino io oglio sunà.

Che gambe reritte ca tiene
Tale e quale a na ferrovia,
aggia truà la via
ca ‘nfì a la stazione po’ m’adda purtà.

Aggio saputo ca mammeta
È chiù tosta re ru fierro,
facimela ‘nzieme sta uerra
ca pure ru fierro facimo chiecà.

Po’ m’hanno ritto ch’attanete
M’assummeglia a nu breatiere,
l’attano è nu brutto mestiere…
se dduie se oleno s’anna piglià.

Facimela fernuta,
sciamenginne e così sia,
tu tiene ‘ssu bene re Dio…
nge abbasta e nge supera pe campà.

E se la gente mormora
Tengo pronta na sentenza:
ma a bbuie chi cazzo ve penza?
Li cazze uostre ve r’ita fa’!