T'aggio appena canusciuta,
tutto 'nzieme s'è scetato
'stu penziero 'mpietto a me,
dint' 'e vvene s'è appicciata
chesta smania 'e te vulé...

RIT:
Pe n'ora 'e freva 'mbraccio a tte
darria chest' anima,
pe n'ora sola 'nzieme a tte
darria 'sta vita mia...
Nun damme chesti ppene,
ma damme chistu core,
ca 'o vverde 'e chist'uocchie,
'o ddoce 'e 'sta vocca
nu suonno 'e bbene me fanno sunnà.

Stu surriso è 'nu mistero
ca me fa 'sta vita amara
si è pe n'ato e no' pe me ...
dint'a ll'aria ca respiro
sento 'o desiderio 'e te ...

Finalino:
Pe n'ora 'e freva 'mbraccio a tte
darria chest'anima '.