1

Da vint'anne tatillo teneva
'nu viulino di sua proprietà;
cu' mammella c'appriesso lle jeva,
cunzumaveno 'e vvie d'a città.
E tatillo sunava 'o viulino,
e mammella cantava 'a canzone
'o nennillo passava 'o piattino;
liriulì liriulì liriulà!

2

Ma 'nu juorno tatillo dicette:
"Nun ce 'a faccio, sò stanco 'e sunà!"
e, pusanno 'o viulino, murette...
e mammella fernette 'e cantà...
Pò mammella vennette 'o viulino
e cagnaie pur'essa 'o padrone...
a nennillo è rimasto 'o piattino;
liriulì liriul' liriulà.

Versi di Carlo Majello,
Musica di Felice De Stefano