Canto pe tte stasera oj bella bruna
ca la freschezza tiene de na rosa,
canta stu core mio sott'a la luna:
pe tte nun trova pace e nun reposa.

RIT:
Serenata, serenata
dint'a sta nuttata chiara
nu miracolo d'ammore
pò succedere si vuò...
Serenata, serenata
nzieme a chesti quattro note
da stu core nnammurato
zompa e vola addò sai tu...
E po' quanno ll'he scetata
sta fatella uocchie curvine,
chella vocca curallina
già m' 'a suonno mbraccio a me
tutt' 'a vita mbraccio a me!

Mmiez' 'a chest'aria e a stu profumo doce
pure 'a chitarra 'e te s'è nnamurata,
sento ca mo me tremma pure 'a voce...
cchiù tennera se fa sta serenata!